یئددی ایچسس
آذربایجانیمیز–
آزربایجانلیغیمیز
زردوشتلوگوموز – ایشیقچیلیغیمیز
1
آذربایجانا ظاهری گؤزله باخاندا، او، کیمهسه بالاجا گؤرونه بیلر.
آنجاق معنانی خاریجی گؤزله گؤرمک اولماز.
معنانی داخیلی گؤزله – ایدراکین، روحون گؤزویله گؤرمک اولار.
داخیلی گؤزله باخاندا آذربایجان چوخ بؤیوک گؤرونور – شرق ماهیتینین بوتؤو، پارلاق، درین ایفادهسی کیمی؛ روحانی مرکز سویهسینده.
آذربایجانیمیزین – آزربایجانلیغیمیزین بؤیوک فرحلری و بؤیوک کدرلری وار.
آذربایجانیمیزین بیرینجی بؤیوک فرحی – زردوشتچولوکدور.
آذربایجانیمیزین ایکینجی بؤیوک فرحی – خوررمدینلیک – بابکلیکدیر .
آذربایجانیمیزین اوچونجو بؤیوک فرحی – دده قورقودلوقدور – آغساققاللیقدیر.
آذربایجانیمیزین دؤردونجو بؤیوک فرحی – هوروفیلیکدیر – نیمیلیک–نسیمیلیکدیر.
آذربایجانیمیزین بئشینجی بؤیوک فرحی – فضولیلیکدیر.
آذربایجانیمیزین آلتینجی بؤیوک فرحی – موغامدیر.
آذربایجانیمیزین یئددینجی بؤیوک فرحی – سازدیر.
آذربایجانیمیزین بیرینجی بؤیوک کدری – میدیانین سوقوتودور.
آذربایجانیمیزین ایکینجی بؤیوک کدری – بابکین قتلیدیر.
آذربایجانیمیزین اوچونجو بؤیوک کدری – چالدیران فلاکتیدیر.
آذربایجانیمیزین دؤردونجو بؤیوک کدری – تورکمنچای ییرتیجیلیغیدیر.
آذربایجانیمیزین بئشینجی بؤیوک کدری – میللی حکومتین دئوریلمهسیدیر.
آذربایجانیمیزین آلتینجی بؤیوک کدری – 20 یانواردیر.
آذربایجانیمیزین یئددینجی بؤیوک کدری – خوجالی فاجعهسیدیر.
آذربایجانیمیزین صاباحینی – اوجاقدا، اوجاقچیلیقدا گؤروروک؛ آتالیقدا، ائولادلیقدا.
موطلقه اینامدا گؤروروک.
روحانی جمعیتده گؤروروک.
موستقیل وطنده گؤروروک.
اؤزوملو شرقده گؤروروک.
آذربایجان روحونون ایزهارینی زردوشتچولوگوموزدن باشلاییریق.
2
زردوشتچولوکده پیغمبرلیک باشلاییر: وجد، وهی، عشق، ائهتیزاز واسیتسیله اینام یاراتماق، اینامی عقللارا، اورکلره، آقیبتلره هکک ائتمک عملی.
زردوشت پیغمبرلیگی یاراناندا بوددا یوخ ایدی، موسا یوخ ایدی، عیسی یوخ ایدی، محمد یوخ ایدی.
زردوشت پئیغمبرلیگینده قیسمتچیلیک یوخ ایدی، تسکینلیک یوخ ایدی، جننت-جهنم، هوری-پری میسکینلیگی یوخ ایدی.
3
زردوشتچولوکده هورموزد ایشیغییلا اهریمن قارانلیغی آراسیندا دؤیوش وار؛ ایشیق اللهی – هورموزد قارانلیق اللهی – اهریمنله یئرده، گؤیده دؤیوشور، اینسانین داخیلینده – فیکیرده، دویغودا، ایرادهده، عملده دؤیوشور؛ هورموزد ایشیغی گرکدیر دونیایا – قارانلیقلاری یاران – ایشیقلانمالیدیر دونیا.
فلاکت سادتله ایشیقلانمالیدیر؛ هسد حیرتله، قورخو جسارتله، هقارت لیاقتله، هریسلیک سخاوتله، دؤنوکلوک سداقتله، ظلم عدالتله، هرجاییلیک مقدسلیکله.
ایشیقلا قارانلیق تزادیندان دونیا ایکیلشیب.
ایکیلیک آرادان قالخمالی، هورموزد اهریمن اوزرینده قلبه چالمالیدیر، چالاجاق؛ قارانلیق دونیادان چکیلهجک، دونیا ایشیغا قرق اولاجاق.
4
ایشیقلا قارانلیغین دؤیوشو اینساندا باش وئریر؛
اینام آدلی هورموزد – اینامسیزلیق آدلی اهریمنله دؤیوشور؛
خالصلیک ناقصلیکله، مودریکلیک ناشیلیقلا، صافلیق گوناهلا، اینسانیلیک حیوانیلیکله دؤیوشور.
داخیلی عالم ایشیغا قرق اولور، دونیانی ایشیغا قرق ائدیر. اینسان ایشیقلاندیقجا دونیا ایشیقلانیر.
اینسان – ایشیق یولونا دوشور، ایشیق یولو اولور.
5
دوداق یالاندان تمیزلنیر، بئیین خورافاتدان تمیزلنیر، ال حرامدان تمیزلنیر.
تمیز سؤز، تمیز فیکیر، تمیز عمل یارانیر.
زردوشته بؤهتان آتیب اونو زینالیق تبلیغینده گوناهلاندیریرلار: زینالیقلا تمیز عمل طلبی بیری دیگرینی اینکار ائدیر.
زردوشتده جننت-جهنم، الله خوفو تاپیرلار: جننت-جهنم هورموزد قلبهسینین لابودلوگویله، دونیانین اؤزونده (او دونیادا یوخ!) یاراناجاق ایشیق سلطنتی اینامییلا بیر آرایا سیغمیر؛ قورخو – هورموزد هونرینین اینکاریدیر.
زردوشتو سونراکیلار بدنام ائلمهیه و اؤزوملشدیرمهیه – اؤزونه بنزتمهیه جهد گؤستریبلر.
6
اود – زردوشتده ایشیق رمزیدیر. آتشپرستلر، اصلینده ایشیقپرستلردیر.
زردوشت اودو – قارانلیق یاران اوددور، پرومئتئی اودو – ایسیدن. اود – یانماق رمزیدیر.
یانماسان – ایشیقلانمازسان، تمیزلنمهسن – دونیا ایشیقلانماز، تمیزلنمز.
اود چیرک گؤتورمور، چیرکی یاندیریب یوخ ائلییر.
اودا سجده – ایشیغا سجدهدیر.
اود قوروماق – اصلینده ایشیق قوروماقدیر.
آزربایجانچیلیق – اصلینده ایشیقچیلیقدیر.
7
زردوشتده بدن روحدان آسیلیدیر.
بدنی اورواتا میندیرن روحدور.
روحدان مهروم اولان بدن اورواتسیز اولور.
آمانسیز سسلنیر بو ایدئیا.
روح زردوشتده جیسمانی ائنئرژی دئییل – ایدراکدیر، منویاتدیر. اینسان اؤلنده بدن ایدراکسیزلاشیر، منویاتسیزلاشیر.
زردوشتده اؤلو بدنه حؤرمت یوخدور – اؤلونون او دونیا یولو یوخدور؛ او «اخیرت دونیاسی»نا هئچ نه آپارمیر، اؤلو بدن هئچ اولور.
مصر خورافاتینا (اؤلونون مومیالانماسی) قارشی چئوریلمیش بو فیکیرده گلهجک خورافاتلارین اینکاری وار.
8
دینلرین هامیسی خئییر–شر تزادی اساسیندا قورولوب. خئییر–شر تزادی هورموزد–هریمن ایکیلیگینین تظاهرودور.
دینی ایکیلیگین (دوالیزمین) جانی زردوشتچولوکدور.
9
دینلر خیلاسکارلیق – مئسسیاچیلیق ایدئیاسی اساسیندا قورولوب. مئسسیالار – دینی خیلاسکارلار – هورموزد چئشیدلریدیر.
ان مشهور هورموزد عیسیدیر – اهریمنله دؤیوشده چارمیخا چکیلن، آنجاق «ؤلمهین، دیریلن، قاییداجاغی گؤزلنیلن».
موسا، محمد تیمسالیندا دا هورموزد جانلاندیریلیر – شخصیتلر افسانلشیر.
10
بودداچیلیغین اساسی – داخیلی تمیزلیک ایدئیاسیدیر – ایمتینا واسیتسیله روحو رام ائتمکدیر.
بو ایدئیا زردوشتون تمیزلیک یولونون داوامیدیر: – ایفرات داوامیدیر، ایستکلرین اینکاریدیر – آنجاق زردوشتله قیریلماز تئللرله باغلیدیر.
زردوشتده اینسان ناقص ایستکلریندن ال چکیردی، بوددادا بوتون ایستکلریندن.
زردوشتون مقصدی – هورموزد دونیاسییدی، بوددانینکی – نیروانا – موطلق روحانی ساکیتلیک.
زردوشتده تمیزلنمک – یانماق ایدی، بوددادا – سؤنمک.
زردوشت اودوندان بوددا کولو تؤرهدی!..
11
پلاتونچولوق – ایدئیالار – اشیالار تزادینا اساسلانیر: پلاتوندا حیات – ایدئیانین کؤلگهسیدیر.
بو فیکیرده هورموزد – اهریمن، ایشیق – قارانلیق ایکیلیگینین تزاهورو گؤرونور.
12
دیالئکتیکا (هئراکلیت، هئگئل) عکسلیکلرین – تزادلارین، زیددیتلرین دؤیوشو و وهدتی اساسیندا قورولوب.
بو ایدئیادا زردوشتچولوک دویولور.
«دونیا – تزادلار دؤیوشودور!» – دیالئکتیکانین دئدیگی بو فیکری اول زردوشتلوک دئییب.
فرق اوندادیر کی، زردوشتده عکسلیکلر وهدتی یوخدور – یالنیز عکسلیکلر دؤیوشو وار و حقیقت بیزجه زردوشتون ترفیندهدیر.
تزادلار بیر یئرده اولاندا بئله، بیر اولمورلار!
13
بابک فرح دینی یاراتمیشدی.
بابک فرحینده هورموزد ایشیغی یانیردی.
بابک اؤزونده شیروین گزدیریردی، بو، شیروین آدلانان هورموزد ایدی.
بابک هورموزدلوک ائلییردی – اهریمنله دؤیوشوردو.
14
صوفیلر عشق اهلی ایدیلر، ایلاهیلییه آتشین عشق بسلییردیلر. اودلویدولار، عشق اودوندا آلیشیب-یانیردیلار. ایشیقلییدیلار.
آشیقلیکده – تمیزلنیردیلر، شریعتلشیردیلر، مریفتلشیردیلر، تریقتلشیردیلر: ایشیقلی حاللار کئچیریردیلر – ایشیقلانیردیلار – ایلاهیلییه قوووشوردولار.
هورموزد ایشیغییدی همین عشق – قارانلیقلاری یاران اودلو عمل.
15
کیمدیر زردوشت، کیمیندیر زردوشت؟
میدیالیدیر، میدیانیندیر – آذربایجانلیدیر، آزربایجانیندیر.
یئنی ائرادان اول VI عصرده ایندیکی جنوبی آذربایجاندا هیاتا گلمیش، یاشامیشدیر.
اثرلرینین چوخو ماکئدونیالی ایسگندر طرفیندن یاندیریلمیش، یاندیریلمایانلار – پهلوی دیلینه ترجومه اولونموشدور.
میدیانین سوقوتوندان سونرا اهمنیلر دؤورونده زردوشتلوک ایرانین دؤولت دینی اولوب.
میدیادان – آذربایجاندان دونیایا ایشیق ساچیب زردوشت.
زردوشت – آزربایجانیندیر، شرقیندیر، دونیانیندیر.
16
زردوشتلویه قاییتماغا چاغیرمیریق.
هورموزد ایشیغینا قوووشماغا چاغیریریق.
ازهلی اوجاقلیغیمیزا چاغیریریق.
3 ایشیق آیی، 14-جو ایل.
(مای، 1992) |