آذربایجان اؤلکه‌سی – تورک ائلی

اینام آتا

آذربایجان اؤلکه‌سی – تورک ائلی

 

(ایزهار)

 

1. خالق – میللت

 

حقیقتده خالق ائله میللت دئمک‌دیر، میللت ائله خالق دئ­مک‌دیر.

بو حقیقت مارکسیزمین چوخ یاییلمیش بیر یالانینا قارشی‌دیر: مارکسیزم میللتی کاپیتالیزمین مهسولو حساب ائلییر؛ گویا میللت سونرا‌دان عمله گلن، اؤتری، کئچیجی حادثه‌دیر – خالق‌دان فرق‌لی.

بئله اولدوقدا میللت کاپیتالیزمله برابر لغو اولونا‌جاق و بوتون میللت‌لرین اوزینه واهید، میللت‌سیز بشر یارانا‌جاق.

بئله چیخیر کی، خالقلا میللت آراسیندا عصرلیک فرق وار: گویا میللت آیری شئی‌دیر، خالق آیری شئی‌دیر؛ بو، اصلینده جفنگیات‌دیر، مارکسیزم بو جفنگیاتی «ئلملشدیریر»…

میللت و خالق – بیر شئی‌دیر؛ چوخمیللت‌لی خالق ایدئیاسی – جفنگیات‌دیر – منتیق‌سیز، معنا‌سیز؛ چوخمیللت‌لی خالق چوخخالق‌لی خالق دئمک اولاردی؛ مارکسیزمین حؤکم سوردوگو بیر زاماندا بئله بیر ج­فنگیات یارانمیشدی: – چوخمیللت‌لی سووئت خالقی جفنگیاتی؛ خالق بیردیر، اونون اساس جهتی سووئت‌لیک‌دیر – یعنی ایدئولوژی بیرلیک‌دیر؛ میللت‌لر ایسه چوخ‌دور، بیر خالق چوخ میللت‌لری بیرلشدیریر؛ میللت آیری شئیمیش، خالق آیری شئیمیش؛ بو جفنگیاتین آرخاسیندا دوران م­نا‌سیزلیق نه درجه‌ده دهشت‌لی‌دیر، بونو من 80-جی ایللرده گؤردوم و دئدیم. چوخمیللت‌لی خالق اصلینده میللت‌لرین اؤلومو دئمک‌دیر، گئج-تئز چوخمیللت‌لی خالق بیرمیللت‌لی بشره چئوریلملیدی.

خالق، میللت – فردلرین بیرلیگین‌دن یارانان بیر حادثه‌دیر و ایلک نؤوبه‌ده ائتنوس بیرلیگی‌دیر.

ائتنوس بیرلیگین‌دن مهروم اولان میللت یوخ‌دور، خالق یوخ­‌دور.

ائتنوس بیرلیگی آذربایجان اوچون تورک بیرلیگی دئمک‌دیر، آزر­بایجانین کؤک‌لو، اساس خالقی – تورک‌دور، اوغوز تورکودور؛ اوغوز تورکونون ائتنیک خصوصیت‌لری وار: ائتنوسون ماهیتی – منشیله باغلی‌دیر، دیلله باغلی‌دیر، میللی پسیخولوگیایلا باغلی‌دیر، آقیبتله باغلی‌دیر. آذربایجاندا یاشایان تورک‌لر – آزربایجانین اساس، کؤک‌لو خالقی‌دیر، اوغوز دونیاسی‌نین بیر حیسه‌سی‌دیر.

آذربایجان سؤزونون میللت، خالق آنلاییشینا دخ‌لی یوخ‌دور.

آذربایجان سؤزو بیزیم زردوشتلوگوموزه دلالت ائدن بیر حادثه‌دیر.

آذربایجان سؤزو «ود قورویان» دئمک‌دیر. «ود قورویانلار» – زردوشتچولردیر و زردوشتچولر ائولرینده اود قورویوردولار، اودو مقدس ساییردی‌لار، داها دوغروسو، اود ایشیغینی مقدس ساییردی‌لار.

آذربایجان سؤزو اؤلکه آدی اولا‌راق قالیر، خالق سؤزونه اونون دخ‌لی یوخ‌دور.

«ازربایجان خالقی» سؤزو – جفنگیات‌دیر.

آذربایجان خالقی – بیر افسانه‌دیر.

آزربایجانین اساس کؤک‌لو خالقی – تورک خالقی‌دیر – ائتنیک آزلیق‌لاری بیرلش‌دیرن.

آذربایجاندا اوغوز تورک‌لری – سلجوقون نوه‌لری آدلانان بؤیوک خالق وار – (بؤیوکلوک اها‌لی‌نین سایییلا یوخ – روهانیاتین، مدنیتین، تاریخین، آقیبتین سانبالییلا اؤلچولور) – تورک دونیاسی‌نین بیر حیسه‌سی وار، باشقا ائتنیک‌لری بیرلش‌دیرن.

اوغوز تورک‌لری اولماسایدی – لاهیجلا کورد، کوردله تالیش، تالیشلا تات، تاتلا لزگی بیرلشمزدی.

آذربایجان خالقی یوخدور…

آذربایجان سؤزونده خالق معناسی یوخ‌دور، ماهیتی یوخ‌دور، ایفاده‌سی یوخ‌دور.

بو سبب‌دن ده تزه یارانان، تامامیله قئیری-حقیقی، سیاستباز ایدئیا – «واهید آذربایجان خالقی» ایدئیاسی، «ازربایجاندا یاشایان میللت‌لرین هامی‌سی بیر خالقدیر» – ایدئیاسی چوخ تهلوکه‌لی سیاسی اویون اولماقلا یاناشی، چوخ آچیق، چوخ کؤک‌لو، هئچ بیر علمی اساسی اولمایان، روحانی اساسی اولمایان بیر زوراکی‌لیق‌دیر.

ایستییرم آذربایجان‌لی‌لار بونو ایندی‌دن بیلسین‌لر. اوجاق‌دان باشقا بونو دئین یوخ‌دور.

تاوتولوگیا یارادیجیلیغین‌دان ال چکمک لازیم‌دیر.

سووئت خالقی نه درجه‌ده حقیقی آنلاییش‌دیرسا، واهید آزر­بایجان خالقی دا بیر او قدر اویدورما آنلاییش‌دیر.

هم اویدورما، هم ده تهلوکه‌لی، هم ظاهری، کؤک‌سوز، اساس‌سیز، سیاستبازلیق نومونه‌سی‌دیر.

او کی قالدی آذربایجاندا میللتلراراسی موناسیبت‌لره، میللتلراراسی موناسیبت‌لری یاخشی‌لاش‌دیرماق اوچون اؤز تورکلوگو­موزدن، اوغوزلوغوموزدان ال چکجییکسه، – بو ان بؤیوک مغ­لوبیت اولاردی.

آذربایجاندا اوغوز تورک‌لری یاشاییر. اوغوز تورک‌لری آدلانان خالق – اساس، کؤک‌لو خالق‌دیر؛ عینی زاماندا آذربایجاندا کورد، تات، تالیش، لاهیج، لزگی ائتنیک آزلیق‌لار یاشاییرلار.

 

اونلارین هر بیری اؤز-اؤزلوگونده بیر حادثه‌دیر: – واهید خالق آذربایجاندا یوخدور…

بیر خالق وار، باشقا خالق‌لارین نماینده‌لری وار.

آنجاق آذربایجان اوغوز تورک‌لری، پریبالتیکا‌دان فرق‌لی اولا‌راق، باشقا ائتنوس‌لارا ظلم ائلمیر، اونلارا قارشی قددارلیق سیاستی آپارمیر، اونلاری اؤلکه‌دن چیخارتمیر، قووالامیر؛ عکسینه، اونلار اؤزلرینی آذربایجاندا سربست هیسس ائلییرلر و بو سربست‌لیگی یارا‌دان دا بیزیم فیتری پسیخولوگیامیزدیر، – اینسانسئورلیگیمیزدیر.

ائله بو بس‌دیر کی، آذربایجاندا میللی اداوت اولماسین.

بونا باخمایا‌راق، میللی اداوت اولورسا – او، ان چوخ اوغوز تورک‌لری‌نین یوخ، ائتنیک آزلیق‌لارین گوناهی‌دیر.

من بئله حساب ائدیرم.

 

 

2. اؤلکه آدی – تاریخی آقیبتیمیز

 

«ازربایجان» آدی بیزیم اونسوز دا مورککب آقیبتیمیزی داها دا مورککبلشدیریر.

«ازربایجان» اؤلکه آدی‌دیر – آنجاق خالق آدی دئییل.

اؤلکه آدییلا خالق آدی آراسیندا ضدیت وار.

اؤلکه‌میزین آدیندا بیر موجرردچی‌لیک وار.

فرانسا دئییلنده بیلیرسن کی، اونون اساس خالقی فران‌سیزلاردیر.

تورکییه دئییلنده بیلیرسن کی، اونون اساس خالقی عثمانلی تورک‌لری‌دیر.

روسیا دئییلنده بیلیرسن کی، اونون اساس خالقی روس‌لاردیر و س.

اما «ازربایجان» دئینده بئله بیر تامامیله معنا‌سیز و ماهیتجه لیاقت‌سیز ایدئیا‌لار اوچون ایمکان یارانیر: – بوتون آذربایجاندا یاشایان‌لارین هامی‌سی آذربایجان خالقی‌دیر. بئله بیر قوندارما ایدئیانی جامااتین گؤزونون قاباغیندا یارا‌دیرلار و اؤلکه آدی‌نین موجرردچی‌لیگی بونا معین معنادا ایمکان وئریر.

طبیعی‌دیر کی، آذربایجان اوغوز تورک‌لری‌نین اؤلکه‌سی‌دیر.

آذربایجان – تورک ائلی‌دیر.

من بئله حساب ائلییرم.

 

 

 

 

 

3. صاباحیمیز – یوردچولوغوموز

 

صاباحیمیزی یوردچولوغون قلبسیله باغلاییرام.

یولوموز – یوردچولوق اولما‌لی‌دیر.

بو نه دئمک‌دیر؟

یوردوموزداکی بوتون میللت‌لره حؤرمت ائلملیگیک.

پریبالتیکا واریانتینا گئتمملیگیک.

عینی زاماندا، یوردوموزون بنزرسیزلیگینی، اؤزونمخ­سوس‌لوغونو دایم قابارتمالیییق.

اؤزوموزون تورکچولوگوموزو قابارتمالیییق.

کیم کی، ائله حساب ائلییر کی، بون‌دان سونرا بیزه قارشی حؤرمت آزالا‌جاق – او، سهو ائلییر.

اؤزونه لازیم دئییلسنسه – کیمه لازیمسان؟!

ایندیکی‌لر چوخمیللت‌لی خالق ایدئیاسین‌دان یاپیشماقلا – بیزیم تورکچولوگوموزو، اؤزوملوگوموزو، اوغوزلوغوموزو دانماق ایستییرلر.

بئینلمیللچی‌لیک پسیخولوگیاسینی تزه‌دن برپا ائلمک ایستییرلر.

بلی، «کؤهنه یوردچولار» مغلوب اولدولار.

لاکین کیم کی، یوردچولوق ایدئیاسین‌دان – تورکچولوک ایدئیاسین‌دان ال چکیر و ایندی چوخمیللت‌لی آذربایجان خالقی اویدورور، اونون آزر­بایجانا وئردیگی خئییر یالانچی خئییردیر؛ بو، دهشت‌لی زیان‌دیر؛ او زی­یانا قارشی بوتون خالق دؤیوشمه‌لی‌دیر.

 

 


20 خزان آیی، 15-جی ایل. باکی.

(اوکتیابر، 1993).

Reklam
 
 

=> Sen de ücretsiz bir internet sitesi kurmak ister misin? O zaman burayı tıkla! <=