روهانیاتچی‌لیق بشری قورتارا‌جاق

آلنیز روهانیاتچیلیق بشری خلاص ائده‌جک



 

سیاسی دونیا حربی گوجو تانیییر، ایقتیسادیات تانیییر، سیاست تانیییر. تأسف کی، بئله‌دیر. بوتون آمئریکا روهانیاتی «منده سیغار ایکی جاهان، من بو جاهانا سیغمازام» کلامینا برابر دئییل. اما آمئریکا آمئریکا‌دیر، آذربایجان – آذربایجان‌دیر. بو، XX عصرین اؤزونون ائیبجرلیگین‌دن دوغان بیر ماددیاتچی‌لیق دهشتی‌دیر کی، بونو بیز گرک بیلک و دهشته گلمیک. جنوبی آذربایجان مسئله‌سی ان آشاغی‌سی 30 میلیون آذربایجان‌لی دئمک‌دیر. 30 میلیون آذربایجان‌لی آزربایجانین رئگیوندا وضعیتینی کؤکون‌دن دییشدیرردی، زاقافقا­زیادا بیرینجی اؤلکه اولاردی و دونیانین مؤوقئیی تامام دییشی‌لردی. اوندا ائرمنی بیزیمله بئله دانیشمازدی. ائرمنی قویروغونو قیساردی. ان آزی بودور. هله من جنوبی آزربایجانین یئره-گؤیه سیغمایان روحانی معناسین‌دان و ستتارخان اوسیانچیلیغین‌دان دانیشمیرام. اؤز دؤورونده ستتارخان‌لیق چوخ بؤیوک هادیسیدی. اؤز دؤورو اوچون. ائله بونا گؤره ده جنوبی آذربایجان مسئله‌سینی آسان بیر مسئله کیمی، بئش گونه حل اولوناسی مسئله کیمی دویغولو، ایدراک‌سیز، تلم-تلسیک، دو­شونولممیش آددیم‌لار، حرکات‌لار، خصوصیله ده اوولکی اصول‌لار، جریان‌لار کیمی باشا دوشمک سهو‌دیر.

جنوبی آذربایجان مسئله‌سینه قارشی بوتون دونیا دایانیب. دونیا دایانیب دئینده، ائله باشا دوشمک لازیم دئییل کی، دونیا اؤز فیکیرلرینی دایم ایزهار ائدیر. سیاست اونا گؤره سیاست‌دیر کی، او یوز سؤزون بیرینی دئییر، بزن ایسه هئچ بیرینی ده دئمیر. بؤیوک آذربایجان، ائرمنی‌لرین باشا دوشدوگو معنادا بؤیوک یوخ، سؤزون اصیل معناسیندا بؤیوک‌دور. کیم باشقا جور دوشونور، اونون آغلی یوخ‌دور. یا دا او ناشی‌دیر. یا دا آز اوخویور، آز دوشونور. روسیا ایمپئریا کیمی دوشونولوب. پیوتر واختین‌داکی او ایدئیا اولماسا، روسیا او ساعت مهو اولار، ائله قورولوب اونون تمه‌لی. اوندان اؤترو ده ایمپئریا او زامان ایمپئریا‌دیر کی، اونون اطرافیندا بؤیوک‌لر اولمور، یا دا چوخ اورتا‌لار اولمور. اساساً بالاجا‌لار اولور. هانسی آغا ایستیر کی، اونون رعیتی گوج‌لو اولسون؟ رعیتین آیری-آیری خصوصیت‌لری وار. بیری وار آچیق رعیت، بیری وار شرطی رعیت، بیری ده وار گیزلی رعیت. هله من تورکچولوک مسئله‌سینی بورا قاتمیرام. صرف آذربایجان مسئله‌سین‌دن دانیشیرام. اونا گؤره صاباح بیز آیاغا قالخاجاغیق. او زامان روسیا باجاردیقجا بیزه زیان وورا‌جاق. اونا گؤره ده دؤیوشن اؤلکه بونو بیلمه‌لی‌دیر. بیزه قارشی قرب دورا‌جاق – باشدا آمئریکا اولماقلا! آمئریکا بیر طرف‌دن ایرانی زیفلتمک اوچون بیزه دیل وئره‌جک، لاکین بیزه دیل وئره‌جک یالنیز. ائله ائله‌یه‌جک کی، هم ایران ضعیفله‌سین، هم ده جنوبی آذربایجان شیما‌لی آذربایجانلا بیرلش­مه‌سین. ایندیکی سیاست چوخ مورککب‌دیر. اونا گؤره بیزی کوردون وضعیتینه سالا‌جاق‌لار. داها دئمک لازیم دئییل کی، ایران بیزه قارشی‌دیر. بو طبیعی‌دیر. ایران ائله ان چوخ بیزی توشلاییب. هر شئیی گرک آچیق دئسین؟ اؤز دیلیننن؟ اؤمرونده ایران تبریزی وئرمز. تبریزسیز ایران یوخدو. حتی رسمی تورکییه ده ایستمز بیز بیرلشک. تأسفله من بونو دئییرم. من اؤزوم پانتورکیستم. اما منیم پانتورکیزمیمین رسمی تورکییه سیاستینه دخ‌لی یوخ‌دور.

بئله‌لیکله ده قارداش‌لاریمیز، باجی‌لاریمیز، بالا‌لاریمیز بیلسین‌لر، اونلارین او گؤزل دویغولاری ایدراکلاشسین. اونلار بیلسین‌لر نئیلییرلر. دونیا ایله دؤیوشمک‌دن قورخماسین‌لار، لاکین وضعیتی بیلسین‌لر. جنوبی آذربایجاندا دؤیوش دونن‌دن باشلاییب، بو گون ده داوام ائلییر. لاکین نئجه؟ کؤهنه اینقیلابی یوللامی؟ اینقیلابین ان بؤیوگو اوکتیابر اینقیلابی ایدی، بیر گونده اولدو، 70 ایلدن سونرا سوقوتا اوغرادی. هئچ یوخودا دا بونو گؤرمک اولمازدی. اوجاغیمیز، آتا جنوبی آذربایجان مسئله‌سینی هر گون دوشونور. تکرار ائلییرم کی، بو بیر نؤمره‌لی مسئله‌دیر و بیزیم قناعتیمیز بئله‌دیر. آتانین، اوجاغین! نه قدر کی، ایسلام آدلانان فالچی‌لیق حؤکم سورور، بیزیم قلبه‌لریمیز مغلوبیته برابر اولا‌جاق. اؤزونوز بیلیرسینیز کی، مغلوبیت بیزه نئجه باها باشا گلیر. و پسیخولوژی جهتجه خصوصیله بون‌دان سونرا خالق اوزون زامان اؤزونه گله بیلمیر. 46-جی ایل ده بونو گؤستردی. اگر معین بیر خلیفت دؤورونده ایسلام اربچی‌لیک ایدیسه، ایندی او فارسچی‌لیقدی. ایمام خومئینی‌نین فلسفه‌سینی بیلیرسینیز. ایسلام دؤولتی لازیمدی بشره. یعنی دئمک فارس دؤولتی. نئجه کی، کوممونیزم میللت‌لرین بیر-بیرینه قو­ووش­ماسی آدی آلتیندا روس دؤولتی یارادیردی. ایستالین آرتیق «زونا دیل­لریندن» دانیشیردی. و خومئینی عرب اوچون ائلمیردی ایسلام اینقیلابینی، فارس اوچون ائلییردی و دئینده کی، دونیوی ایسلام دؤولتی اولا‌جاق – او، فارس دؤولتینی دئییردی. اونا گؤره ایچین‌دن مهو ائلمک لازیمدی اسارتی. ایچین‌دن مهو ائتمک اوچون ده ایسلاملا دؤیوشمک لازیم‌دیر. آغیلنان، ایدراکنان، آددیم-آددیم، حال-حال باشا سالماق لازیم‌دیر کی، نه اوچوندو بوتون بو مسجیدلردکی او تبلیغات، نه اوچوندو او موللا‌لیق، نه وئریر او آذربایجان‌لی‌لارا؟ دوغرودانمی، تورک روحونا اویغون‌دور ایسلام، ایتات­چی‌لیک، جهننمچی‌لیک، قادی‌نین قارا دونیایا قرق اولونماسی، قارا پالتارلی آزربایجانلیمیز؟ آزی بودو و نه اوچون اولدو بو اینقیلاب و اینقیلابدا آذربایجان‌لی‌لار مهو اولدولار. اوکتیابر اینقیلابین‌دان سونرا باکیدا دا بونا بنزر بیر شئی اولدو، اما هر حالدا خومئینی اینقیلابین‌دان قیریلان آذربایجان‌لی‌لارین سایی داها چوخ اولدو. و نه وئردی بو، ندی بو قوربان بایرام‌لاری، بو سحردن آخشاما کیمی آغلاما‌لار، ایمام حسین اوچون؟ اؤز دردینه نیه آغلامیرسان؟ ائله بیل نه صابیر وارمیش، نه جلیل مممدقولوزاده وارمیش؛ ائله بیل نه بؤیوک‌لریمیز وارمیش!..

گؤرجکسینیز، رفسنجانی یاواش-یاواش، اینجه-اینجه، دیرناغیننان قربلشمه‌یه دوغرو یوگوره‌جک. اونا آتوم بومباسی لازیم‌دیر. اونا تئکنیکا لازیم‌دیر. لاکین ایده‌آلین‌دان ال چکمه‌یه‌جک. بون‌لارین فلسفه‌سی، بون‌لارین یؤنو ائرمنیلرینکینه بنزییر: چوخ شئی‌دن یاپیشیم کی، آز شئیی بوراخماییم علیم‌دن و قوپاردیم. ائله بیلیرسینیز کی، ائرمنی، دوغرودان دا اینانیر بؤیوک ائرمنیستانین قاییتماسینا؟ خئیر، اونا تورپاق لازیم‌دیر. او، بؤیوک‌دن یاپیشیر کی، کیچیگی قوپارتسین. همچی‌نین ده ایران. ایران دیشیننن، دیلیننن، دیرناغیننان جنوبی آذربایجان‌دان یاپیشیر. نیه گؤره جنوبی آذربایجان‌لی‌لار دئییرلر کی، بیز فارسیق؟ نیه گؤره اونلار دئییرلر کی، میدیا فارسدی؟ میدیا فارس اولسا ایدی، نیه بس کیر هوجوما کئچدی؟ کیر نیه دؤیوشدو آستیاقنان؟ اؤزوننن دؤیوشدو فارس؟ نیه لازیم ایدی او ایالت؟ سونرا بس کیرین قلبه‌سین‌دن سونرا آذربایجان، یعنی میدیا اورا نیه قاییتدی؟

یالاندی! آذربایجان هئچ واخت دار دایره سویه‌سینده خوشبخت اولا بیلمه‌یه‌جک. بیز قوشولاندا ایتیرمیشیک. بیز ائله شئی یاراتمالیییق کی، بیزه قوشولسون‌لار. بیزه یاخشی معنادا ووقار لازیم‌دیر. بیز عربه قوشولدوق – ایتیردیک. بیز فارسا قوشولدوق – ایتیردیک. روسا قوشولدوق – مهو اولدوق. ایندی تزه‌دن بیزی کاپیتالیزمه قایتاریرلار. اونلار هامی‌سی وارلیچی‌دیر. اونلار هامی‌سی اینسانین پول حاکمیتینه، اسارته قاتیلما­سی‌دیر. بیر نفر شاعر، سنتکار، فیلوسوف تاپین کی، او کاپیتالیزمی سئوسین! بوتون دونیا روحانی مدنیتی کاپیتالیزمه قارشیدی شئکسپیردن باشلامیش! یالنیز روهانیاتچی‌لیق بشری خلاص ائله‌یه‌جک و آذربایجان بوردا باشلانغیج اولما‌لیدی. بیزه قوشولما‌لی‌دیرلار: باجاراریق بیز بونو. گلین گؤرک، تاریخیمیزی بیر بالاجا واراقلایاق: بیر زردوشت بس‌دیر بوتون دونیایا، بیر بابک بس‌دیر بوتون قهرمان‌لارا!

کیم دئییب کی، اینسان الله‌دیر؟! فئیئرباخ دئییب؟ هئگئل دئییب؟ هئچ کس دئمه‌ییب! کیمین فضولی‌سی وار، کیمین موغاماتی وار؟! نیه بیز باشلانغیج اولمایاق؟! نیه بیز مرکز اولمایاق؟ نیه بیز منبع اولمایاق؟ اولموروقسا، دئمه‌لی، اؤزوموزو تانیمامیشیق. اونا گؤره ده نه قدر کی، بیر اولمامیشیق، قلبه چالمایاجاغیق.

یئر-گؤیو تیتره‌دن ایش گؤرملیگیک! اوندان سونرا طبیعی کی، آزر­بایجان خالقی آیاغا قالخا‌جاق. بوتون خالقی آیاغا قالدیراجاغیق.

گونتای: آتا روحونو اورییمده آپاریرام!

آتا: اوریین قاران‌لیق‌لاری یارسین!

یوکوموزدن بؤیوک فرحیمیز یوخ‌دور!

 

 

صحبتی آپاردی: گونتای آتا‌لی

 
Bu web sitesi ücretsiz olarak Bedava-Sitem.com ile oluşturulmuştur. Siz de kendi web sitenizi kurmak ister misiniz?
Ücretsiz kaydol